पिंपरी प्रतिनिधी:-
रुंद पुणे–मुंबई महामार्ग अरुंद करून वाहतूक कोंडी निर्माण करणाऱ्या अभियंता बापू गायकवाड व सुनील पवार यांच्यावर कारवाई करण्याची मागणी माहिती अधिकार कार्यकर्ते रमेश वाघेरे यांनी पिंपरी चिंचवड महानगरपालिकेचे आयुक्त शेखर सिंह यांच्याकडे निवेदनाद्वारे केली आहे.
वाघेरे यांनी निवेदनात म्हटले आहे की,पिंपरी चिंचवड पालिकेच्या वाहतूक नियोजन विभागाचे सह शहर अभियंता बापू गायकवाड आणि कार्यकारी अभियंता सुनील पवार यांनी पुणे मुंबई हा रस्ता मोठा रुंद असलेला रस्ता अर्बन स्ट्रीटच्या नावाखाली अरुंद केला आहे. हे करत असताना त्यांनी आरटीओ आणि वाहतूक विभागाची परवानगी घेतली नसल्याने रोजच वाहतूक कोंडी होत आहे. त्यामुळे वाहतूक नियोजन विभागाचे सह शहर अभियंता बापू गायकवाड आणि कार्यकारी अभियंता सुनील पवार यांच्यावर कडक कारवाई करा व झालेला खर्च या दोघांकडून वसूल करावा
पिंपरी चिंचवड महापालिकेच्या तात्कालीन आयुक्त दिलीप बंड असताना बावीस वर्षांपूर्वी पुणे मुंबई रस्ता रुंदीकरण केले त्यासाठी दापोडी व निगडी व्यापाऱ्यांची दुकाने, मिळकती जबरदस्तीने ताब्यात घेतल्या व्यापाऱ्यांचे करोडो अरबो रुपयांचे नुकसान करण्यात आले व रस्ता रुंद करण्यात आला मात्र बापू गायकवाड आणि कार्यकारी अभियंता सुनील पवार यांनी आर्थिक फायद्यासाठी अर्बन स्ट्रीट जबरदस्तीने लोकांवर लादला व त्यामुळे पुणे मुंबई रस्त्यावर अक्षरशा मुंग्या चालाव्यात तशी वाहतूक कोंडी वाढली असून या कोंडीत वाहनांसह अनेक ऍम्बुलन्स ही अडकतात सह शहर अभियंता बापू गायकवाड आणि सुनील पवार यांच्यावर कडक कारवाई करुन यांना पालिकेतून त्वरित बडतर्फ करण्यात यावे अशी मागणी ही वाघेरे यांनी केली आहे.
