भोसरी प्रतिनिधी:-
रिक्षाच्या हूड वरील डॉ. बाबासाहेब आंबेडकर यांच्या फोटोवरील सही प्रकरणी आमदार महेश लांडगे यांनी महामानव डॉ. बाबासाहेबांची आणि आंबेडकरी समाजबांधवांची मागितली माफी समाज माध्यमांवर तसा व्हिडिओ त्यांनी प्रसारित करुन दिलगिरी व्यक्त केली.
ते म्हणाले विश्वरत्न डॉ. बाबासाहेब आंबेडकर यांच्या प्रेरणेतून आम्ही महाराष्ट्रातील पहिले संविधान भवन पिंपरी-चिंचवडमध्ये उभारण्याचे काम हाती घेतले आहे. त्याची जनजागृती करण्यासाठी काही रिक्षाचालक व हितचिंतकांनी आपल्या रिक्षांवर हुड फलक लावले आहेत. त्यामध्ये डॉ. बाबासाहेब आंबेडकर यांच्या छायाचित्राखाली नजरचुकीने माझ्या नावाचा फाऊंट छापण्यात आला आहे. सदर रिक्षा हुडवरील फलकांमुळे समाजबांधवांच्या भावना दुखावल्या आहेत. त्याबद्दल आम्ही दिलगिरी व्यक्त करतो.
राजकीय उद्देशाने काही व्यक्ती संबंधित रिक्षांवरील हुड बॅनरबाबत समाजामध्ये गैरसमज पसरवण्याचा प्रयत्न करीत आहेत. त्यामुळे सबंधित रिक्षांवरील जनजागृतीचे हुड काढावेत, असे आवाहन रिक्षाचालक सहकारी-हितचिंतकांना आमदार महेश लांडगे यांनी केले आहे.
