पिंपरी प्रतिनिधी:-
वंचित बहुजन आघाडीची पिंपरी चिंचवड शहर कार्यकारिणी जाहीर करण्यात आली असून शहराध्यक्षपदी माजी युवक शहराध्यक्ष नितीन गवळी यांची निवड झाली. प्रकाश आंबेडकर यांच्या हस्ते गवळी यांच्या गळ्यात मानाचा हार घालून नियुक्ती जाहीर करण्यात आली.
या नव्या कार्यकारिणीत अध्यक्ष, कार्याध्यक्ष, दोन महासचिव आणि १४ उपाध्यक्षांसह जंबो कार्यकारिणी घोषित करण्यात आली आहे.
आगामी पिंपरी चिंचवड महापालिका निवडणुकांमध्ये विविध पक्षांचे उमेदवार धनदौलतीच्या बळावर मैदानात उतरणार असल्याने स्वतःसमोर कठीण आव्हान उभे असल्याचे नितीन गवळी यांनी स्पष्ट केले.
“आत्ताच माझी निवड झाली आहे. काही दिवसांत आमची बैठक होईल. त्यानंतर समोरच्या उमेदवारांच्या लढतीचे गणित स्पष्ट करू,” असे नव्याने घोषित झालेले शहराध्यक्ष नितीन गवळी यांनी सांगितले.
